Adjuntu da Escola Técnica Agrícola (ETA) Dom Bosco Fuiloro Florencio Jose Cristovão hala’o hela abertura ba formasaun “AGROFORESTRY SKILLS”, iha Audi Vizual (ETA) Dom Bosco Fuiloro – Lospalos, Segunda (15/9/2025).
Fuiloro, 15 Setembru 2025 – Segunda (15/09) feira ne’e, Adjuntu da Escola Técnica Agrícola (ETA) Dom Bosco Fuiloro, Florencio Jose Cristovão hala’o abertura ba formasaun konaba “AGROFORESTRY SKILLS” ba Etapa daha’at durante semana ida iha audi Vizual Escola Técnica Agrícola (ETA) Dom Bosco Fuiloro.
Iha abertura Adjuntu da Escola Técnica Agrícola (ETA) Dom Bosco Fuiloro, Florencio Jose Cristovão ba Jornal Parde Dijital Dom Bosco Fuiloro hateten programa “Agroflorestry Skills” ne’e nudar programa kooperasaun enrtre Escola Técnica Agrícola (ETA) Dom Bosco Fuiloro ho Agencya Internasional ILO nu’udar implementador, ne’ebe hetan apoiu orsamentu husi Uniaun Europeia.
“Iha MoU, ami assina programa ne’e, ne’ebe sei hala’o durante iha tinan rua nia laran hodi fasilita ba mikro empreza, estudante sira, no kada programa sei fo’o formasaun ba estudantes Escola Técnica Agrícola (ETA) Dom Bosco Fuiloro nomos estudante sira seluk ne’ebe iha interese ou iha vontade ba agrofloresta nian”, dehan Adjuntu da Escola Técnica Agrícola (ETA) Dom Bosco Fuiloro.
Hakerek husi: Bernardino Pinto
